الذهبْ المعدنْ الثمين النادرْ، يكتسبْ قيمته لأنه نادرْ الوجودْ في الطبيعة، ولأنه يمتلكْ خواصْ فريدةْ، لا يَصْدأْ لا يتآكَلْ مع الزمن، لكنْ هل الذهبْ الصيني الجديد ممكن يأخذ هذه الخواص.

الصين حصلتْ على براءة اختراع في تصنيع الذهبْ، لكنْ في الواقع هي ما صنعتَ شيءْ جديدْ، اللي عملته هو مُعالَجةْ جديدةْ للذهبْ بحيث يصير أكثر صلابةْ.

الذهب الصافي 24 قيراط هو معدنْ طريْ، لا يمكن صناعة الحُلِيّ منه، ولا يمكن استخدامُهْ في الصناعة بسببْ الطراوة.

كلُّ ذَهَب الحُلِيّ من أساورْ وخواتمْ وغيرها يكون عيارْ 21 أو 18 قيراطْ، يعني ما بيكون ذهبْ صافي، بل خليطْ هو من الذهب ومعادن أخرى مثل النحاس. والسببْ حتى يصيرْ قاسي وإلَّا ممكن يتلف بسرعة.

الصين نجحتْ في حلّْ هذه المشكلة، وجدتْ طريقةْ تِخَلِّي الذهبْ الصافي 24 قيراط أكثر صلابة، من خلال إضافةْ نسبةْ بسيطةْ جداً من موادْ كيمائية، وهيك صار ممكنْ نشوفْ بالسوقْ أساورْ وخواتم عيار 24 قيراط، وصار ممكنْ استخدامه بالصناعة بشكلْ أكبرْ.

الاختراعْ الصيني ما يعني أبداً أنو صار في ذهبْ جديدْ، ولا كميةْ الذهبْ العالمية رح تزدادْ، كلْ شيء بقي كما هو، اللي صار فقط هو تغيُّرْ في طُرُقْ الاستخدام، وهذا الاكتشافْ ما له أيْ تأثيرْ على السعرْ العالمي.

لو بالفِعْلْ تم اكتشافْ ذهبْ جديدْ، أو صناعة ذهبْ من موادْ خامْ، رح يتغيَّرْ شكلْ النظامْ العالَمي بالكاملْ، أولْ شي ممكنْ يصير هو انو الذهبْ رح يَفْقِدْ قيمتهُ، لأنو فَقَدَ عَامِلْ النُّدْرَةْ، وصارْ مُتوفِّرْ بكثرةْ وأيُّ دولةْ فيها تِصْنَعْ كمياتْ هائلةْ منه، يعني صارْ مثلْ أيّ مَعْدَنْ آخَرْ.

باختصار… الصينْ ما غَيَّرَتْ سوقْ الذَّهبْ، لكنَّها غيَّرَتْ طريقةْ اللَّعِبْ باستخداماته.